Skoga - Vatnsá með hæstu meðalveiði pr. St. Sumarið 2010

snemma í ána og var veiði strax frá opnun mjög góð. Silungsveiðin var einnig frábær í Heiðarvatni og komu nokkrir mjög stórir silungar og meðal urriða var yfir 20 punda fiskur sem veiddist á Nobbler í ágúst. Í maí til júlí var bleikjuveiðin einnig góð og voru að veiðast fallegar 2-4 punda bleikjur með. Kerlingadalsá var frekar erfið viðfangs en þó voru kunnugir að tína upp stóra sjóbirtinga og alltaf laxa þegar farið var til veiða. September kom þó vel út í heildina litið þrátt fyrir að fiskur væri mjög snemma á ferð en svo virtist sem lax væri að ganga út allan tímann. Skógá var óveiðandi frameftir sumri en þegar leið á ágúst byrjaði lax að gefa sig. Í september komu svo nokkrir dagar þar sem lítið rigndi og þá strax veiddust laxar. Mikil aska kom svo í ána í lok september sem virtist vera að miklu leyti farin af efra svæði árinnar í desember. Skógá endaði í 130 löxum sem er með því lélegasta frá upphafi skráninga. Fyrir þetta sumar var meðalveiðin yfir 1000 löxum og því var um mikla niðursveiflu að ræða.